İrlandiya parlament nümayəndə heyəti Azərbaycanda səfərdədir. Bu barədə Primeinfo.az-a Milli Məclisin Mətbuat və ictimaiyyətlə əlaqələr şöbəsindən xəbər verilib. İrlandiya-Azərbaycan parlamentlərarası dostluq qrupunun rəhbəri Toni Mak Kormakın başçılıq etdiyi İrlandiya parlament nümayəndə heyəti bu gün Bakıda Zəfər parkında olub.
Azərbaycanda iki internet provayderi fəaliyyətini dayandırıb. Primeinfo.az xəbər verir ki, bunlar “Skynet” MMC və “Robonet” MMC-lərdir. Nəticədə sözügedən provayderlərin uçotu ləğv edilib.
Ermənistanın cənub-şərqində yerləşən Vayots Dzor vilayətində çaylar məcrasından çıxa bilər. Primeinfo.az Modern.az-a istinadən xəbər verir ki, Ermənistan Hidrometeorologiya və Monitorinq Mərkəzi bildirir ki, Arpaçaya sel gəlməsi ehtimalı yüksəsk qiymətləndirilir. Güclü yağış və qarın əriməsi səbəbindən Ermənistanda əksər çaylarda suyun səviyyəsinin 20-21 aprel tarixlərində əhəmiyyətli dərəcədə artacağı gözlənilir.
Azərbaycanın xarici işlər naziri Ceyhun Bayramov Antalya Diplomatiya Forumu çərçivəsində Ruandanın xarici işlər və beynəlxalq əməkdaşlıq naziri Olivier Jean Patrick Nduhungirehe ilə görüş keçirib. Primeinfo.az xəbər verir ki, bu barədə Azərbaycan Xarici İşlər Nazirliyi “X” sosial media hesabında məlumat yayıb. Görüş zamanı iki ölkə arasında həm ikitərəfli, həm də çoxtərəfli əməkdaşlığın perspektivləri müzakirə olunub.
Azərbaycan Xarici İşlər Nazirliyi Türkiyədə dünən və bu gün məktəblərə silahlı hücumlarla bağlı başsağlığı verib.
2026-cı ilin yanvar-fevral aylarında Ədliyyə Nazirliyinin rayon (şəhər) qeydiyyat şöbələri tərəfindən 5250 nikaha daxilolma və 3376 boşanma halları qeydə alınıb. Primeinfo.az xəbər verir ki, bu, Dövlət Statistika Komitəsinin yanvar-mart ayında ölkənin iqtisadi və sosial inkişafının makroiqtisadi göstəricilərini əks etdirən nəşrdə öz əksini tapıb. 2025-ci ilin müvafiq dövrü ilə müqayisədə əhalinin hər 1000 nəfərinə nikahların sayı azalaraq 4,7-dən 3,2-yə, boşanmaların sayı isə 2,1-dən 2,0-a düşmüşdür.
İlin əvvəlindən ölkə əhalisinin sayı 4276 nəfər və ya 0,04 faiz artaraq 2026-cı il mart ayının 1-i vəziyyətinə 10266627 nəfərə çatıb. Primeinfo.az xəbər verir ki, bu, Dövlət Statistika Komitəsinin yanvar-dekabr ayında ölkənin iqtisadi və sosial inkişafının makroiqtisadi göstəricilərini əks etdirən nəşrdə öz əksini tapıb. Bildirilib ki, Ölkə əhalisinin 54,3 faizini şəhər, 45,7 faizini kənd sakinləri, 49,8 faizini kişilər, 50,2 faizini isə qadınlar təşkil edir.
2026-cı ilin yanvar–mart aylarında Azərbaycanda istehlak qiymətləri indeksi ötən ilin eyni dövrü ilə müqayisədə 5,7% artıb. Primeinfo.az bu barədə Dövlət Statistika Komitəsinə istinadən xəbər verir. Qeyd edək ki, orta illik inflyasiya yanvar-fevral aylarına nisbətən dəyişməyib.
Məlumata görə, nazir müavini Mixail Qaluzin Azərbaycanın Moskvadakı səfiri Rəhman Mustafayevlə görüş keçirib. Primeinfo.az TASS-a istinadən xəbər verir ki, bu barədə Rusiya Xarici İşlər Nazirliyi məlumat yayıb. Tərəflər arasında Rusiya və Azərbaycan arasında əməkdaşlığın inkişaf perspektivləri müzakirə olunub.
İlham Əliyevin İrakli Kobaxidze ilə geniş tərkibdə görüşü olub – FOTO
