Suriya məhkəməsi keçmiş prezident Bəşər Əsəd barəsində insanlıq əleyhinə cinayətlər, qətl və işgəncə ittihamları üzrə ölüm hökmü çıxarıb.
Primeinfo.az xəbər verir ki, bu barədə Suriyanın SANA agentliyi məlumat yayıb.
Məhkəmə Əsədin qardaşı Mahir Əsəd və keçmiş təhlükəsizlik rəsmisi Atef Nacib barəsində də ölüm hökmü çıxarıb. Bəşər və Mahir Əsəd məhkəmədə qiyabi mühakimə olunub və onların beynəlxalq səviyyədə axtarışa verilməsi barədə qərar qəbul edilib.
Qeyd edək ki, Bəşər Əsəd 2024-cü ilin dekabrında hakimiyyətdən devrilib və daha sonra ailəsi ilə Suriyanı tərk edərək Rusiyaya qaçıb.
