Azərbaycanın müdafiə naziri general-polkovnik Zakir Həsənov Türkiyədə işgüzar səfərdədir.
Bu barədə Primeinfo.az-a Müdafiə Nazirliyindən məlumat verilib.
Müdafiə naziri Türkiyənin Milli Müdafiə Universitetinin Quru Qoşunları, Hərbi Dənizçilik və Hərbi Təyyarəçilik məktəblərinin buraxılış mərasiminə qatılıb.
Tədbirə qatılan Türkiyə Prezidenti Rəcəb Tayyib Ərdoğan mərasimdə çıxışında məzunları təbrik edib.
Sonra plana uyğun olaraq məzunlara diplomlar təqdim olunub.
Qeyd edək ki, hərbi məktəbləri müvəffəqiyyətlə bitirən azərbaycanlı məzunlara diplomları Z. Həsənov təqdim edib.
