“Rusiyada, İranda, hətta İsraildə belə Azərbaycan-Türkiyə münasibətlərinin gərginləşməsini, pozulmasını istəyən qüvvələr var”.
Primeinfo.az xəbər verir ki, bu sözləri “Atlas” Araşdırmalar Mərkəzinin rəhbəri, politoloq Elxan Şahinoğlu Prime TV-nin “Qırmızı masa” platformasında bildirib.
Onun sözlərinə görə, Türk Dövlətləri Təşkilatının (TDT) bünövrəsini Azərbaycan-Türkiyə ittifaqı təşkil edir. Təxribatçılar bu ittifaqı zəiflətməyə çalışarlarsa, TDT da zərər görər:
“Mərkəzi Asiyanın gözü indi bizdədir. Mərkəzi Asiya, Türk dövlətləri görsələr ki, Azərbaycan-Türkiyə ittifaqı zəifləyir, onlar da bir az kənarlaşmağa çalışacaqlar. Bu da Rusiya, İran və Qərbdəki müəyyən dairələrin maraqlarına xidmət edəcək”.
O əlavə edib ki, təxribatçı qüvvələr nə qədər səy göstərsələr də, Türkiyə ilə Azərbaycanın arasını vura bilməyəcəklər.
Davamı “Qırmızı masa”da:
