Çin Səudiyyə Ərəbistanının müraciətindən sonra İrandan gizli şəkildə Yəməndəki Husiləri dayandırmağa kömək etməsini istəyib. Primeinfo.az xəbər verir ki, bu barədə “Reuters“ə məsələdən məlumatlı üç iranlı mənbə bildirib. Mənbələrin sözlərinə görə, Husilər Qırmızı dəniz sahili və Bab əl-Məndəb boğazı ətrafında sürətli irəliləyişlər etdikdən sonra Ər-Riyad kömək üçün Çinə müraciət edib.
İran səmasında ABŞ-a məxsus daha bir MQ-9 PUA-sı vurulub. Primeinfo.az “Tasnim”ə istinadən xəbər verir ki, PUA Qeşm adası üzərində zərərsizləşdirilib. Bildirilib ki, bu, fevral ayında müharibə başlayandan bəri İran tərəfindən vurulan 53-cü MQ-9 PUA-sıdır.
İranın cənub-şərq sərhədində təhlükəsizlik qüvvələri ilə terrorçular arasında toqquşma olub. Primeinfo.az xəbər verir ki, İran Kəşfiyyat Nazirliyi terror aktları həyata keçirmək niyyətində olan üç təşkilatlanmış terrorçu hücrənin ölkəyə daxil olarkən, hər hansı təxribat və terror aktı törətmədən əvvəl zərərsizləşdirildiyini bildirib. Nazirliyin məlumatına görə, Sistan və Bəlucistan vilayətində toqquşma zamanı 3 terrorçu öldürülüb, 9 nəfər isə saxlanılıb.
“İranda baş verən hadisələr Azərbaycan və Türkiyəyə də təsir edir”. Primeinfo.az xəbər verir ki, bunu Türkiyənin xarici işlər naziri Hakan Fidan Bakıda azərbaycanlı həmkarı Ceyhun Bayramovla birgə mətbuat üçün brifinqdə deyib. Nazir qeyd edib ki, İranda baş verən hadisələrin diplomatik yolla həllinin tərəfdarıdılar: “Böhranın həlli, bölgədə sülhün təmini üçün bütün tərəflərlə təmaslar davam edir”.
Sabah İran xarici işlər naziri Abbas Əraqçi və regionun ərəb ölkələrinin xarici işlər nazirləri Omanın paytaxtı Maskatda görüşərək Hörmüz boğazından keçid və gəmiçilik üçün çərçivə razılaşmasına nail olacaq.
İran və Ermənistan Norduz-Meğri “yaşıl” gömrük dəhlizi yaradacaq. Primeinfo.az xəbər verir ki,bu barədə Ermənistan mediası məlumat yayıb. Qeyd edilib ki, sentyabrın 12-də İranın iqtisadiyyat nazirinin müavini və Gömrük Xidmətinin rəhbəri Fərrud Əsgəri ilə Ermənistan Dövlət Gəlirləri Komitəsinin sədri Eduard Akopyan Culfada görüşüb.
Hörmüz boğazında İranın mülki gəmisinə endirilən zərbə nəticəsində ən azı bir nəfər ölüb, üç nəfər yaralanıb. Primeinfo.az xəbər verir ki, bu barədə Keşm rayonunun rəhbəri Əmir Teymuri məlumat verib. “Bu gün səhər saat 5 radələrində ticarət gəmisi Hənqam adası ilə Keşm adasının Şib-Dəraz sahili yaxınlığında zərbəyə məruz qalıb”, – deyə o əlavə edib.
İran və Oman Hörmüz boğazında tezliklə elan olunacaq gəmiçilik marşrutu ilə bağlı yekun razılığa gəliblər.
İran ordusu Hörmüz boğazının girişində ABŞ ordusuna aid “Saildrone” tipli və 5838 gövdə nömrəli casus pilotsuz sualtı qayığı vuraraq zərərsizləşdirib. Primeinfo.az xəbər verir ki, İslam İnqilabı Keşikçiləri Korpusunun (SEPAH) Hərbi Dəniz Qüvvələrinin komandanı Sərdar Əzmayi məlumat verib. İran mediası vurulan sualtı qayığın görüntülərini yayıb.
Hörmüz boğazının giriş və çıxış marşrutlarının əhəmiyyətli hissəsi İranın nəzarətində olacaq. Primeinfo.az-ın xəbərinə görə, bu barədə İran parlamentinin sədr müavini Əli Nikzad ISNA-ya müsahibəsində bildirib. Omanla əldə olunan razılaşmaya toxunan Nikzad deyib ki, bu məsələdə artıq razılığa gəlinib.