Türkiyə müdafiə şirkətləri SAHA 2026 sərgisinin ilk üç günündə təxminən 8 milyard dollarlıq ixrac müqavilələri imzalayaraq tarixi rekorda imza atıb.
Primeinfo.az xəbər verir ki, bu göstərici sərginin əvvəlcədən müəyyən edilmiş hədəfinə tam uyğun olub.
Mayın 5-dən 9-dək İstanbul Sərgi Mərkəzində keçirilən sərgidə 120-dən çox ölkədən 1700-dən artıq şirkət iştirak edir.
Sərgi Türkiyənin 2025-ci ildə müdafiə ixracında əldə etdiyi təxminən 10,5 milyard dollarlıq rekord göstərici və qlobal miqyasda ilk 10 ixracatçı sırasına daxil olmaq hədəfi fonunda keçirilir.
