Avqustun 17-də yola salınan köç karvanları Xocavənd rayonunun Quzeyxırman və Güneyxırman kəndlərinə çatıb.
Primeinfo.az xəbər verir ki, ilk mərhələdə Quzeyxırman kəndinə köçürülən 82 nəfərdən ibarət 18 ailəyə, Güneyxırman kəndinə köçürülən 103 nəfərdən ibarət 21 ailəyə mənzillərin açarları təqdim olunub.
Açarların təqdim olunması mərasimində Ağdam, Füzuli və Xocavənd rayonlarında Azərbaycan Respublikası Prezidentinin xüsusi nümayəndəliyinin, Qaçqınların və Məcburi Köçkünlərin İşləri üzrə Dövlət Komitəsinin nümayəndələri iştirak ediblər.
