ABŞ dövlət katibi Marko Rubio Pakistanda keçirilən İran danışıqlarında iştirak etməkdən qəsdən imtina etmiş ola bilər. Primeinfo.az verir ki, bu ehtimalla Financial Times (FT) qəzeti çıxış edib. Qəzet Rubionun Amerika nümayəndə heyətinin İslamabada hər iki səfərində iştirak etmədiyini vurğulayıb.
İsrail İrana qarşı hərbi əməliyyatın başlanğıcında Birləşmiş Ərəb Əmirliklərinə (BƏƏ) “Dəmir Qübbə” raketdən müdafiə sistemini göndərib. Primeinfo.az xəbər verir ki, bu barədə “Axios” portalı öz mənbələrinə istinadən məlumat yayıb. Məlumata görə, bu, sözügedən hava hücumundan müdafiə sisteminin ABŞ və İsrail hüdudlarından kənarda yerləşdirildiyi ilk hadisədir.
ABŞ Ərəbistan dənizində dəniz blokadasını yarmağa və enerji resurslarını daşımağa cəhd edən İranın “kölgə donanması”na məxsus gəmini saxlayıb. Primeinfo.az “Reuters” agentliyinə istinadən xəbər verir ki, söhbət İran neftini və qaz məhsullarını xarici bazarlara daşıyan 19 gəmidən ibarət qrupa daxil olan “Sevan” gəmisindən gedir. Hərbçilərin bildirdiyinə görə, gəmi ABŞ Hərbi Dəniz Qüvvələrinə məxsus “USS Pinckney” esminesindən qalxan helikopter vasitəsilə ələ keçirilib.
Ağ Ev Müxbirləri Assosiasiyasının Vaşinqtonda Hilton Otelində təşkil olunan şam yeməyində atışma törədən şəxsin kimliyi məlum olub.
İranın xarici işlər naziri Abbas Əraqçı Pakistana səfəri zamanı ABŞ nümayəndələri ilə görüş keçirməyi planlaşdırmır. Primeinfo.az xəbər verir ki, bu barədə İranın Xarici İşlər Nazirliyinin (XİN) rəsmisi İsmayıl Bəqai sosial şəbəkə hesabında məlumat verib. “İran və ABŞ arasında görüş planlaşdırılmır, çünki rəsmi Tehranın şərtləri Pakistana çatdırılacaq”, – deyə XİN rəsmisi bildirib.
ABŞ-də Böyük Britaniya Kralı III Çarlzın səfəri ərəfəsində Britaniya və Avstraliya bayraqları dəyişik salınıb. Primeinfo.az xəbər verir ki, bu barədə “Reuters” agentliyi Vaşinqtonun nəqliyyat departamentinin rəsmisinə istinadən məlumat yayıb. “III Çarlzın ABŞ-yə səfəri ərəfəsində Ağ Evin yaxınlığında Britaniya bayraqları əvəzinə Avstraliya bayraqları asılıb”, – deyə agentlikdə bildirilib.
ABŞ Hörmüz boğazının blokadasını davam etdirsə, İran ordusunun cavabı ilə üzləşəcək. “Fars”ın xəbərinə görə, bu barədə Xatəmül-Ənbiya Mərkəzi Qərargahı bəyanat yayıb. Bildirilib ki, ABŞ-ın İrana qarşı dəniz blokadası davam edəcəyi təqdirdə, İran ordusu buna güclü şəkildə reaksiya verəcək.
ABŞ 344 milyon dollar həcmində İranla əlaqəli kriptovalyuta cüzdanlarını dondurub və Tehranın maliyyə əməliyyatlarını məhdudlaşdırmaq üçün tədbirləri davam etdirəcəyini açıqlayıb.
ABŞ-ın Bağdaddakı səfirliyi İraqa səfərlə bağlı xəbərdarlığını yeniləyib. Primeinfo.az xəbər verir ki, səfirlik ABŞ vətəndaşlarını İraqa səfər etməməyə və orada olan vətəndaşlarını dərhal ölkəni tərk etməyə çağırıb. Eyni zamanda, səfirlik İranla əlaqəli silahlı qrupların ABŞ vətəndaşlarına və Vaşinqtonun maraqlarına qarşı yeni hücumlar planlaşdırdığını bəyan edib.
İran parlamentinin sədri Məhəmməd Baqer Qalibaf vətəndaşlara müraciətində Tehranın asimmetrik müharibə şəraitində savadlı planlaşdırma və hazırlıq sayəsində düşməni dəf etdiyini bildirib. Primeinfo.az Musavat.com-a istinadən xəbər verir ki, spiker İranın hərbi güc, maliyyə və texniki imkanlar baxımından ABŞ-dan obyektiv şəkildə geri qaldığını, lakin bunun döyüş meydanında həlledici amilə çevrilmədiyini vurğulayıb. “Biz düşməni tamamilə məhv etmədik, lakin döyüş meydanında qələbə qazandıq.
