Yaponiya Özünümüdafiə Qüvvələri və ABŞ Dəniz Piyadaları Korpusu ada ərazilərinin müdafiəsinin təkmilləşdirilməsinə yönəlmiş “Qətiyyətli əjdaha” (Resolute Dragon) birgə çöl təlimlərinə başlayıblar. Primeinfo.az “Japan Today” nəşrinə istinadən xəbər verir ki, təlimlər Yaponiyanın cənub-qərbindəki Kyuşu adasında və Okinava prefekturasında keçirilir və iyunun 30-dək davam edəcək. Yaponiya Özünümüdafiə Qüvvələrinin Qərb Ordusunun komandanı general-leytenant Seydzi Toriumi təlimlərin açılış mərasimində bildirib ki, müdafiə potensialının nümayiş etdirilməsi Hind-Sakit okean regionunda sülh və sabitlik üçün mühüm əhəmiyyət kəsb edir.
İranın xarici işlər naziri Abbas Əraqçi Livanla atəşkəsin əldə olunmasının ABŞ ilə danışıqlar üçün həlledici şərt olduğunu bəyan edib. Primeinfo.az xəbər verir ki, bu barədə “Axios”un jurnalisti Barak Ravid mənbəyə istinadən “X” sosial şəbəkəsində məlumat paylaşıb. Məlumata görə, Əraqçi ABŞ ilə danışıqlar aparmaq üçün İsveçrəyə getməyi planlaşdırır, lakin İsrail və Livanın atəşkəs barədə razılığa gəlib-gəlməyəcəyindən asılı olaraq vəziyyət “hələ də dəyişə bilər”.
ABŞ və Qətər İranın dondurulmuş aktivlərinin bir hissəsini humanitar yardım almaq üçün istifadə etməsini nəzərdə tutan bir mexanizm üzərində birgə işləyirlər. Primeinfo.az xəbər verir ki, məlumatı The Wall Street Journal (WSJ) mənbələrə istinadən yayıb. Mənbələrə görə, Tehran əvvəlcə Qətərdə saxlanılan 6 milyard dollara çıxış əldə edə bilər.
ABŞ dövlət katibi Marko Rubio gələn həftə bir neçə Yaxın Şərq ölkəsinə işgüzar səfər etməyi planlaşdırır. Primeinfo.az xəbər verir ki, məlumatı Axios müxbiri Barak Ravid öz mənbələrinə istinadən X-də yazıb: “Rubio gələn həftə Yaxın Şərqə səfər etməyi planlaşdırır: hazırda iki mənbəyə görə, marşruta Küveyt, BƏƏ və Bəhreyn daxildir”.
Los-Ancelesin şimal-şərqində yerləşən “Edvard” aviabazasından havaya qalxdıqdan qısa müddət sonra “B-52” bombardmançı təyyarəsinin qəzaya uğraması nəticəsində səkkiz ekipaj üzvü həlak olub.
ABŞ administrasiyasının rəsmiləri İranla sazişin 14 iyunda imzalanacağına əmindirlər. Primeinfo.az xəbər verir ki , ABŞ-nin BMT-dəki daimi nümayəndəsi Mayk Uolts bu barədə “ABC News” telekanalına müsahibəsində bildirib. “Mən əminəm, komanda əmindir.
İranda bəzi media orqanları ABŞ ilə razılaşma imzalanmasına qarşı bir qrup hökumət tərəfdarının etiraz aksiyası keçirməsinin görüntülərini yayıb. Primeinfo.az bildirir ki, Tehrandakı İbn Sina meydanında keçirilən aksiyada xarici işlər naziri Abbas Əraqçi və parlament spikeri Məhəmməd Qalibaf əleyhinə şüarlar səsləndirilib. Onlara qarşı “Qalibaf, Əraqçi istefa, istefa”, “Qalibaf, Əraqçi bəs mənim liderimin qanı nə olacaq?” şüarları səsləndirilib.
Hər iki tərəf gələcək proseslərlə bağlı sıx təmasda qalmaq barədə razılığa gəliblər.
ABŞ və İran sabah sülh sazişini elektron formatda imzalayacaqlar.
ABŞ prezidenti Donald Tramp “Truth Social” sosial şəbəkəsində Pakistanın baş naziri Şahbaz Şərifin mesajının skrinşotunu paylaşıb. Primeinfo.az xəbər verir ki, həmin mesajda Vaşinqton və Tehran arasında sazişin yekun sənədləşdirilməsinin yaxın 24 saat ərzində baş tuta biləcəyi qeyd olunub. Xatırladaq ki, bir qədər əvvəl İran Xarici İşlər Nazirliyinin rəsmi nümayəndəsi İsmayıl Bəqai ABŞ ilə münaqişənin nizamlanmasına dair memorandumun iyunun 14-də imzalanmayacağını bildirib.
