Türkiyənin İstanbul şəhərində güclü yağışların səbəb olduğu sel və daşqınların fəsadlarının aradan qaldırılması istiqamətində işlər davam etdirilir. Primeinfo.az xəbər verir ki, bu barədə Türkiyənin ətraf mühit, şəhərsalma və iqlim dəyişikliyi naziri Murat Kurum təbii fəlakətlə bağlı keçirilən Koordinasiya Toplantısında bildirib. Nazirin sözlərinə görə, İstanbulda 48 torpaq sürüşməsi hadisəsi qeydə alınıb, güclü yağışlar nəticəsində 53 istinad divarı uçub.
İstanbulda sel nəticəsində ölənlərin sayı 3-ə çatıb. Primeinfo.az xəbər verir ki, bu barədə İstanbul valiliyi məlumat yayıb. Təbii fəlakət nəticəsində 4 nəfər itkin düşüb.
Azərbaycanın dağlıq və dağətəyi rayonlarında iyulun 4-5-də, bəzi yerlərdə isə iyulun 6-dan 8-i gündüzədək arabir yağış yağacağı gözlənilir.
Paytaxt Bakıda və ölkənin müxtəlif bölgələrində güclü leysan yağışları və yaranan sel suları nəticəsində dəymiş zərərin fəsadlarının aradan qaldırılması ilə bağlı görüləcək işlərin siyahısı müəyyənləşib. Primeinfo.az xəbər verir ki, bu məsələ Prezident İlham Əliyevin sel və daşqınların təhlükəli və zərərli təsirlərinə qarşı mübarizə ilə bağlı əlavə tədbirlər haqqında Sərəncamında öz əksini tapıb. Siyahıda fəsadların aradan qaldırılması üçün ayrı-ayrı qurumlar – Fövqəladə Hallar Nazirliyi, Bakı Şəhər İcra Hakimiyyəti, Azərbaycan Dövlət Su Ehtiyatları Agentliyi, Azərbaycan Avtomobil Yolları Dövlət Agentliyi, “Azərişıq” Açıq Səhmdar Cəmiyyəti tərəfindən görüləcək işlər əksini tapıb.
