“İranın 92 milyon əhalisi var. Onları yedirtmək, saxlamaq, sosial rifahını təmin etmək lazımdır. İran rejimi isə əhalini yaşatmır, onları məhvə, həyat tərzlərini sıfırlamağa doğru aparır”.
“Rusiya tarix boyu siyasi əxlaqı olmayan bir dövlətdir. Rusiya imperiya dövründə də belə olub, Sovetlər dövründə də. Bu gün də əxlaqsız siyasət aparırlar”.
“Bu rejim bölgə üçün, qonşu dövlətlər üçün, eyni zamanda dünya üçün böyük təhdiddir. Ona görə də bu rejim getməlidir. Bunun alternativi yoxdur”.
“İranda etirazlar zamanı nə qədər insan qırılıb. Bu insanların geriyə yolu yoxdur. Çünki əgər onlar dayansalar onlara qarşı repressiyalar başlayacaq”.
“Əldə etdiyimiz məlumata görə, su problemi səbəbindən 2 milyon insan Tehranı tərk edib”.
“O məktub Rusiyanın İstintaq Komitəsində yazılmayıb, Kremldə yazılıb”.
“Rusiya siyasətində həmişə çirkli oyunlar aparılıb – xüsusilə də xarici siyasətində. Heç bir qayda-qanuna, məntiqə, insanlığa sığmayan addımlar atılıb”.
“Mən nə Rusiya, nə də Ukrayna tərəfdən bu müharibəni sülhə gətirəcək hansısa şərtin yetişdiyini görmürəm. Ortada mənasız danışıqlardan başqa heç nə yoxdur”.
“İranda real islahatların aparılması yalnız hakimiyyət dəyişikliyi ilə mümkündür”. Primeinfo.az xəbər verir ki, bunu keçmiş maliyyə naziri Fikrət Yusifov Prime TV-nin “Qırmızı masa” proqramına müsahibəsində deyib. Siyasi şərhçi bildirib ki, İran 70-ci illərin əvvəllərindən bu günə qədər eyni rejim və eyni idarəetmə sistemi ilə yaşayır.
“Rusiya nefti əsasən Danimarka boğazlarından daşınır. Bu daşınmanı dayandırsalar, Rusiya bir neçə ayın içərisində dizini yerə qoyar”.
