Tiktoker İlduzə Hacıyevanın (Arzum) cinayət işi üzrə məhkəmə araşdırması başa çatıb. Primeinfo.az-ın “Qafqazinfo”ya istinadən məlumatına görə, Xəzər Rayon Məhkəməsində keçirilən sonuncu iclasda əvvəlcə vəkillər müdafiə çıxışı edib. Arzum isə son söz deyib: “İlk gündən özümü təqsirli bilmirəm.
Qabaqcadan əlbir olan bir qrup şəxs tərəfindən iki və daha çox şəxsi qanunsuz azadlıqdan məhrum etmədə təqsirləndirilən “Qurtuluş” Reabilitasiya Mərkəzinin rəhbəri Ceyhun Salmanov və mərkəzin daha iki əməkdaşı Elşad Məhərrəmov və Natiq Əliyevin cinayət işi üzrə məhkəmə prosesi yekunlaşıb.
Uralda Azərbaycan diasporunun keçmiş rəhbəri Şahin Şıxlinski və onun oğlu Mutvalı Şıxlinski barəsində çıxarılan məhkəmə hökmündən verilən apellyasiya şikayətinə baxılıb. Primeinfo.az xəbər verir ki, Sverdlovsk Vilayət Məhkəməsi birinci instansiya məhkəməsinin qərarını dəyişdirmədən qüvvədə saxlayıb. Xatırladaq ki, cari ilin aprel ayında məhkəmə ata və oğulu hakimiyyət nümayəndəsinə qarşı zor tətbiq etmə maddəsi ilə təqsirli bilib.
Dələduzluq etməkdə təqsirləndirilən keçmiş vəkil Namizəd Səfərovun cinayət işi üzrə məhkəmənin hazırlıq iclası keçirilib. Primeinfo.az-ın Oxu.az-a istinadən məlumatına görə, Bakı Ağır Cinayətlər Məhkəməsində hakim Mahirə Kərimovanın sədrliyi ilə keçirilən prosesdə anket məlumatları dəqiqləşdirilib. Namizəd Səfərovun vəkilləri məhkəməyə vəsatət verərək cinayət işinə xitam verilməsini, onun barəsindəki həbs qətimkan tədbirinin ev dustaqlığı ilə əvəz edilməsini və müdafiəçilərinin yanında əyləşdirilməsini xahiş ediblər.
Lənkəran Ağır Cinayətlər Məhkəməsində həmkəndlisini xüsusi amansızlıqla qətlə yetirməkdə təqsirləndirilən Əli Əliyevin cinayət işi üzrə məhkəmə prosesi başa çatıb. Primeinfo.az-ın Oxu.az-a istinadən məlumatına görə, prosesdə təqsirləndirilən şəxsə hökm oxunub. Məhkəmənin hökmü ilə Ə.Əliyev 19 il azadlıqdan məhrum edilib.
Azərbaycana 328 kq narkotiki qayıqla keçirmək istəyən İran vətəndaşlarının məhkəməsi başlayıb. Primeinfo.az xəbər verir ki, bu gün Sumqayıt Ağır Cinayətlər Məhkəməsində hakim Tariyel Quliyevin sədrliyi ilə keçirilən prosesdə anket məlumatları dəqiqləşdirilib. Cinayət işi məhkəmə baxışına verilib və baxış iclası iyunun 23-nə təyin edilib.
Bu gün Bakı Ağır Cinayətlər Məhkəməsində hakim Leyla Əsgərova-Məmmədovanın sədrliyi ilə DTX tərəfindən saxlanılan İmişli Rayon Ağsaqqallar Şurasının keçmiş sədri Saleh Səmədovun cinayət işi üzrə məhkəmə iclası keçirilib. Primeinfo.az-ın xəbərinə görə, təqsirləndirilən şəxs Saleh Səmədov ifadə verib. O, özünü qismən təqsirli bildiyini deyib.
Rusiyanın məşhur müğənnisi Alla Puqaçova Moskvanın mərkəzindəki mənzilinin kommunal borclarını ödəmədiyi üçün məhkəməyə verilib. Primeinfo.az Oxu.az-a istinadən xəbər verir ki, bu barədə Moskvanın Presnenski Rayon Məhkəməsinin mətbuat xidməti məlumat yayıb. Bildirilib ki, söhbət Arbatda yerləşən mənzildən gedir.
Hədə-qorxu ilə tələb etmədə ittiham olunan Əfqan Sadıqov həbs edilib. Primeinfo.az xəbər verir ki, bu barədə APA-ya vəkil Nemət Kərimli bildirib. Vəkilin sözlərinə görə, Binəqədi Rayon Məhkəməsinin qərarına əsasən, Əfqan Sadıqov barəsində iyulun 30-dək həbs qətimkan tədbiri seçilib.
“Toplum TV” işi üzrə açılan cinayət işində təqsirləndirilən Akif Qurbanov, Ələsgər Məmmədli, Ruslan İzzətli, Ramil Babayev, Əli Zeynalov, Müşfiq Cabbarov, İlkin Əmrahov, Fərid İsmayılov və Elmir Abbasovun məhkəmə istintaqı yekunlaşıb. Primeinfo.az xəbər verir ki, bu gün Bakı Ağır Cinayətlər Məhkəməsində hakim Azər Tağıyevin sədrliyi ilə keçirilən prosesdə dövlət ittihamçısı çıxış edib. Prokuror, 3 il dövlət və yerli özünüidarə orqanlarında vəzifə tutmaq hüququndan məhrum edilməklə, Akif Qurbanov və Ruslan İzzətlinin 16 il, Ələsgər Məmmədli və Əli Zeynalovun 15 il, Ramil Babayev, Müşfiq Cabbarov və İlkin Əmrahovun 14 il, Fərid İsmayılov və Elmir Abbasovun 13 il müddətinə azadlıqdan məhrum edilmələrini təklif edib.
