BDU-nun Fəlsəfə tarixi və mədəniyyətşünaslıq kafedrasının dosenti Nərman Süleymanov (Qocatürk) intihar edibmiş. Primeinfo.az “Bakupost”a istinadən xəbər verir ki, onun bununla bağlı müraciəti üzə çıxıb. Müraciət ötən gün, axşam saatlarında Prezidentə ünvanlanıb.
“İnformasiyanı bilirsiniz, xəbər doğrudur. O, bir rektorun qurbanı oldu”. Primeinfo.az xəbər verir ki, bu sözləri Kult.az-a açıqlamasında tanınmış jurnalist Şərəf Cəlili həyat yoldaşı, Bakı Dövlət Universitetinin (BDU) müəllimi Nərman Süleymanovun (Qocatürk) qəfil vəfatı ilə bağlı danışarkən deyib.
Bakı Dövlət Universitetinin dosenti, Fəlsəfə tarixi və mədəniyyətşünaslıq kafedrasının baş müəllimi Nərman Süleymanov (Qocatürk) faciəvi şəkildə vəfat edib. Primeinfo.az “Qafqazinfo”ya istinadən xəbər verir ki, onun meyiti noyabrın 18-i saat 19 radələrində Yasamal rayonunda yaşadığı evdə aşkar edilib. 1967-ci il təvəllüdlü Nərman Salman oğlu Süleymanovun ölümü ilə bağlı Yasamal Rayon Prokurorluğunda araşdırmalar aparılır.