Məhkəmə zalından azadlığa buraxılan Müdafiə Nazirliyinin Mərkəzi Hərbi Həkim Komissiyasının keçmiş rəisi Rasim Həsənov barəsində olan hökmdən apellyasiya protesti verilib. Primeinfo.az xəbər verir ki, iş Bakı Apellyasiya Məhkəməsində araşdırılacaq. Məhkəmənin ilk baxış iclasının vaxtı məlum deyil.
Xuliqanlıq və dələduzluqda ittiham olunan hüquq müdafiəçisi Rüfət Səfərovun barəsində olan hökmdən verilən apellyasiya şikayəti üzrə məhkəmə prosesi keçirilib. Primeinfo.az APA-ya istinadən xəbər verir ki, Bakı Apellyasiya Məhkəməsində hakim Habil Məmmədovun sədrliyi ilə keçirilən prosesdə qərar qəbul edilib. Qərara əsasən, şikayət təmin edilməyib və Bakı Ağır Cinayətlər Məhkəməsinin hökmü qüvvədə saxlanılıb.
ABŞ-da məhkəmə Vaşinqton administrasiyasının 75 ölkənin vətəndaşları üçün tətbiq etdiyi viza qadağasını ləğv edib. Primeinfo.az CNN-ə istinadən xəbər verir ki, Nyu-Yorkun Cənub Dairəsi Federal Məhkəməsinin hakimi Jeanette Vargas qadağanın qanunsuz olduğuna və Dövlət Katibi Marko Rubionun qanuni səlahiyyətlərini aşdığına qərar verib. Məhkəmə müəyyən edib ki, insanlara əsasən vətəndaşlıqlarına görə viza verilmir ki, bu da milliyyətə görə ayrı-seçkiliyə qoyulan qadağanı pozur.
Baş Prokurorluq məhkəmə zalından azadlığa buraxılan Rasim Həsənovun hökmündən apellyasiya protesti verəcək. Primeinfo.az xəbər verir ki, bu barədə Baş Prokurorluğun Mətbuat xidmətindən APA-nın sorğusuna cavab olaraq bildirilib. Qeyd edilib ki, Bakı Hərbi Məhkəməsinin 18 avqust 2026-cı il tarixli hökmü ilə Həsənov Rasim Əlövsət oğlu Baş prokuroru yanında Korrupsiyaya qarşı Mübarizə Baş İdarəsində aparılmış ibtidai istintaqın nəticələrinə əsasən Azərbaycan Respublikası Cinayət Məcəlləsinin 311.3.2, 311.3.3, 313 və 341.2.3-cü maddələri ilə təqsirləndirilən şəxs qismində cəlb edilərək cinayət işi baxılması üçün Bakı Hərbi Məhkəməsinə göndərilib.
Azərbaycan ABŞ-nin federal məhkəməsində CNN-ə qarşı iddia qaldırıb.
Bakı şəhəri Operativ Vergi Nəzarəti və Uçotun Təşkili Baş İdarəsinin rəis müavini həbs edilib.
Dünyaca məşhur müğənni Rihanna Türkiyədə onun adına bənzər şəkildə qeydiyyatdan keçirilən “RIANNA” markasına qarşı açdığı məhkəmə işini qazanıb. Primeinfo.az Axşam.az-a xəbər verir ki, sənətçinin öz markasını Türkiyədə satışa təqdim etməsindən sonra “RIANNA” adlı yerli markanın mövcudluğu aşkarlanıb. Rihanna tərəfi markaların adlarının bir-birinə çox bənzədiyini və istehlakçıların onları qarışdıra biləcəyini əsas gətirərək məhkəməyə müraciət edib.
Yarım milyon manatdan çox dələduzluqda ittiham olunan Daxili İşlər Nazirliyinin Hava Nəqliyyatında Polis İdarəsinin sabiq rəis müavini, polkovnik Rasim İldırımzadə, Dünya Azərbaycanlıları İctimai Maarif Mərkəzinin rəhbəri, “Bakutime.az” saytının təsisçisi Zaur Mirzəzadə və Balakən dairə seçki komissiyasının keçmiş sədri Qoşqar Məmmədovun barəsində olan hökmdən verilən apellyasiya şikayəti üzrə məhkəmə başlayıb. Primeinfo.az xəbər verir ki, bu gün Bakı Apellyasiya Məhkəməsində hakim Anar İbrahimovun sədrliyi ilə keçirilən prosesdə anket məlumatları dəqiqləşdirilib. Məhkəmə işin baxışa verilməsi barədə qərar qəbul edib.
Xuliqanlıq və dələduzluqda ittiham olunan hüquq müdafiəçisi Rüfət Səfərovun barəsində olan hökmdən verilən apellyasiya şikayəti üzrə məhkəmə prosesi başlayıb. Primeinfo.az xəbər verir ki, bu gün Bakı Apellyasiya Məhkəməsində hakim Habil Məmmədovun sədrliyi ilə keçirlən ilkin baxış iclasında anket məlumatları dəqiqləşdirilib. Təqsirləndirilən şəxsin vəkilləri Rüfət Səfərovun şüşə qəfəsdən çıxarılaraq yanlarında əyləşməsini xahiş ediblər.
Ləğv edilmiş Yüksəliş Partiyasının sədri Anar Əsədlinin barəsində olan hökmdən verilən apellyasiya şikayəti üzrə məhkəmə başlayıb. Primeinfo.az xəbər verir ki, bu gün Bakı Apellyasiya Məhkəməsində hakim Əfqan Ələkbərovun sədrliyi ilə keçirilən prosesdə anket məlumatları dəqiqləşdirilib. Daha sonra təqsirləndirilən şəxsin vəkili apellyasiya şikayətini müdafiə edərək bildirib ki, müvəkkili həmin şəxslərdən pulu borc olaraq alıb.