Türkiyənin xarici işlər naziri Hakan Fidan Qətərə səfər çərçivəsində HƏMAS-ın Siyasi Bürosunun üzvü Xəlil Əl Hayya ilə görüşüb.
Primeinfo.az xəbər verir ki, bu barədə Türkiyənin Xarici İşlər Nazirliyi (XİN) “X” sosial şəbəkə hesabında məlumat yayıb.
Bildirilib ki, Hakan Fidan Xəlil Əl Hayyaya İsrailin hücumları nəticəsində oğlunun ölümü ilə bağlı başsağlığı verib.
7 may 2026-cı il tarixində yayılan məlumatlara görə, HƏMAS Siyasi Bürosunun üzvü Xəlil əl-Həyyanın oğlu Əzzam əl-Həyya İsrailin Qəzza şəhərinə endirdiyi zərbə nəticəsində öldürülüb:
“Əzzamın ölümü ilə Xəlil əl-Həyyanın İsrail hücumlarında öldürülən uşaqlarının sayı dördə çatıb”.
Hakan Fidan səfər çərçivəsində Qətərin Baş nazirinin müavini və müdafiə işlərindən məsul nazir Şeyx Səud bin Əbdürrəhman bin Həsən Al Tani ilə də görüşüb.
Onlar Yaxın Şərqdəki vəziyyət və regional məsələləri müzakirə edib.
