Ermənistan Rusiyanın Gümrüdə yerləşən 102-ci hərbi bazasının ölkədən çıxarılmasına görə məsuliyyəti Moskvanın üzərinə atır. Primeinfo.az xəbər verir ki, bunu Rusiya Xarici İşlər Nazirliyinin MDB ölkələri üzrə Dördüncü Departamentinin direktoru Mixail Kaluqin RİA Novosti-yə müsahibəsində bildirib. Onun sözlərinə görə, İrəvan məsələni elə təqdim etməyə çalışır ki, guya Rusiyanın Ermənistandakı hərbi bazasının gələcək fəaliyyəti ilə bağlı müzakirələrin təşəbbüskarı Moskvadır.
İrəvan Avrasiya İqtisadi İttifaqına Rusiyanın Ermənistan mallarının idxalına tətbiq etdiyi məhdudiyyətlərdən şikayət verib. Primeinfo.az “Armenpress”ə istinadən xəbər verir ki, bu barədə Ermənistan iqtisadiyyat nazirinin müavini Tiqran Qasparyan bildirib. Onun sözlərinə görə, məsələ təkcə Ermənistan-Rusiya təmasları çərçivəsində deyil, həm də ticarət maneələrinin aradan qaldırılması mexanizmlərinin mövcud olduğu Aİİ çərçivəsində nəzərdən keçirilir.
Ermənistanın Baş naziri Nikol Paşinyan tezliklə Rusiya Prezidenti Vladimir Putinin dəvəti ilə Moskvaya səfər edəcək. Primeinfo.az xəbər verir ki, bunu Kremlin rəsmi nümayəndəsi Dmitri Peskov bildirib. Onun sözlərinə görə, səfərin tarixləri razılaşdırılacaq.
Ermənistanın heç vaxt Rusiya ilə viza rejimi tətbiq etmək niyyəti olmayıb və yoxdur. Primeinfo.az “Sputnik Armenia”ya istinadən xəbər verir ki, bu barədə Baş nazir Nikol Paşinyan bildirib. Paşinyan qeyd edib ki, Ermənistan hakimiyyətinin heç vaxt belə bir niyyəti olmayıb, üstəlik, onlar buraya gələn rus turistlərini böyük məmnuniyyətlə qəbul edirlər.
“Bunu bizdə bəziləri deməkdən çəkinir, amma Paşinyanı Rusiyadan və radikallardan qorumaq lazımdır. Bizim ticari əməkdaşlığımızın bir məqsədi də buna xidmət edir. Paşinyanın mövqeləri möhkəmlənməli və münasibətlərlə bağlı cəmiyyətini inandırmalıdır”.
Çünki Rusiya “caynağından” xilas olub öz iqtisadi əlaqələrini fərqli müstəvilərə keçirmək zaman tələb edir
Ermənistanın dəmir yollarının Rusiya tərəfindən idarə olunması ilə bağlı məsələnin kəskin qarşıdurma yolu ilə deyil, dostluq şəraitində həll edilməsinin tərəfdarıyam. Primeinfo.az xəbər verir ki, bunu Ermənistan Baş naziri Nikol Paşinyan brifinqdə jurnalistlərə deyib. “Dəmir yolu ilə bağlı vəziyyətə gəlincə, biz dostluq şəraitində həll istəyirik.
Ermənistan bu ilin dekabrına qədər Avropa İttifaqına (Aİ) qoşulmaq, yoxsa Avrasiya İqtisadi İttifaqında (Aİİ) qalmaqla bağlı ümumxalq referendumunun keçirilməsi məsələsində qərar verməlidir. Primeinfo.az xəbər verir ki, bunu Rusiyanın xarici işlər nazirinin müavini Mixail Qaluzin TASS-a müsahibəsində bildirib. Qaluzin qeyd edib ki, dekabrda Aİİ dövlət başçılarının görüşündə İrəvanla bağlı mümkün növbəti addımlar müzakirə olunacaq.
Azərbaycandan tranzit keçməklə Rusiyadan Ermənistana növbəti tədarük həyata keçirilib. Primeinfo.az xəbər verir ki, 15 vaqondan ibarət, çəkisi 1049 ton olan buğda və 10 vaqondan ibarət 700 ton daş kömür bu gün Biləcəri stansiyasından Böyük Kəsik istiqamətinə göndərilib. Qeyd edək ki, indiyədək Rusiyadan Ermənistana Azərbaycandan tranzit keçməklə 37 min tondan çox taxıl, 9 min tona yaxın gübrə, 1136 ton propan, 133 ton alüminium, 414 ton antrasit və 67 min ton taxta materialları göndərilib.
Rusiya Xarici İşlər Nazirliyi Ermənistan hakimiyyətinin Kiyevlə yaxınlaşmaq cəhdlərinin və Moskvaya qarşı şantaj xarakterli addımlarının narahatlıq doğurduğunu bildirib. Primeinfo.az xəbər verir ki, bunu Rusiya Xarici İşlər Nazirliyinin İnformasiya və Mətbuat Departamenti direktorunun müavini Aleksey Fadeyev brifinqdə deyib. Onun sözlərinə görə, Moskva İrəvanın “şantaja keçmək” cəhdlərini müşahidə edir.
