
Tanınmış müğənni və aktrisa Cennifer Lopez Los-Ancelesdə “The JLo Show: Live in Las Vegas” filminin premyerasına qatılıb.
Primeinfo.az xəbər verir ki, 57 yaşlı sənətçi tədbir üçün “Dolce & Gabbana” brendindən libas seçib. O, obrazını xəz detallı, atlaz plaşla tamamlayıb.

Gecənin ən diqqətçəkən detalı isə müğənninin boyunbağısı olub. Ağ qızıldan hazırlanan “Sicilia” kolleksiyasına aid zinət əşyası şəffaf və sarı brilyantlarla bəzədilib. Boyunbağının mərkəzində armud formalı, çəkisi 100 əyyarı ötən nadir təbii sarı brilyant yer alıb.

Cey Lo görünüşünü eyni kolleksiyadan olan sırğalar və üzüklərlə tamamlayıb. Zinət əşyaları dəstinin ümumi dəyərinin 10 milyon dolları ötə biləcəyi bildirilir.

