Əslində bizə 3 il zaman lazımdır. Əgər Paşinyan qələbə qazanarsa, referenduma gedəcək, konstitusiya dəyişəcək və daha sonra isə Azərbaycanla sülh müqaviləsi bağlayacaq. Tramp yolunun təməli qoyulub və bu da 2 il çəkəcək…
Türkiyə Prezidentinin xarici siyasət və təhlükəsizlik məsələləri üzrə baş müşaviri Akif Çağatay Kılıç Aİ-nin Cənubi Qafqaz və Gürcüstan böhranı üzrə xüsusi nümayəndəsi Maqdalena Qrono ilə görüşüb. Primeinfo.az-ın xəbərinə görə, Kılıç bu barədə “X” hesabında bildirib. Görüş zamanı Azərbaycan-Ermənistan sülh prosesi, Türkiyə-Ermənistan normallaşma prosesi, Cənubi Qafqazda həyata keçiriləcək layihələr, regional sabitlik və təhlükəsizlik məsələləri, həmçinin Avropa İttifaqının regiona yanaşması müzakirə olunub.
Sabah Azərbaycan Respublikası ərazisindən tranzit keçməklə Ermənistana alüminium və taxıl göndəriləcək. Primeinfo.az xəbər verir ki, Ermənistana 2 vaqon alüminium, 9 vaqon taxıl yola salınacaq.
“Azərbaycanla bir-birimiz üçün yolları tam açmağımız, eyni zamanda, Türkiyə ilə sərhədlərin açılması çox vacibdir və bunun baş verəcəyinə heç bir şübhəm yoxdur”.
Biz Azərbaycanla Qarabağ, Bakı və digər yerlərdə yaşamış ermənilərin qayıdışı məsələsini müzakirə etmirik. Primeinfo.az Ermənistan mediasına istinadən xəbər verir ki, bu barədə Baş nazir Nikol Paşinyan bildirib. “Çünki hər iki istiqamətdə aparılan müzakirələr mövcud vəziyyətə təxribatçı təsir göstərir”, — Baş nazir brifinq zamanı deyib.
Paşinyan: “Şahin Mustafayevin Ermənistana səfərini tarixi addımdır”
Azərbaycan-Ermənistan delimitasiya komissiyasının iclasında tərəflərin işgüzar dairələrinin nümayəndələrinin iştirakı ilə iqtisadi-ticari əməkdaşlığın inkişafı, malların və xidmətlərin qarşılıqlı tədarükü, həmçinin tranzit daşımaları məsələləri müzakirə olunub. Primeinfo.az xəbər verir ki, bu barədə Azərbaycan Respublikası ilə Ermənistan Respublikası arasında dövlət sərhədinin delimitasiyası üzrə Dövlət Komissiyasının Katibliyi məlumat yayıb. Məmnunluqla vurğulanıb ki, Azərbaycanın Ermənistana neft məhsulları tədarük etməsi iki ölkə arasında iqtisadi-ticari əlaqələrin formalaşmasının göstəricisidir.
Ermənistanla delimitasiya komissiyasının növbəti iclası Azərbaycanda keçiriləcək. Primeinfo.az xəbər verir ki, tərəflər komissiyaların iclasın tarixinin işçi qaydada müəyyən edilməsi barədə razılığa gəliblər. Qeyd edək ki, bu gün Ermənistan Respublikasında, Ağverəndə Azərbaycan Respublikasının Baş nazirinin müavini Şahin Mustafayevin və Ermənistan Respublikasının Baş nazirinin müavini Mher Qriqoryanın sədrliyi ilə Azərbaycan Respublikası ilə Ermənistan Respublikası arasında dövlət sərhədinin delimitasiyası üzrə Dövlət Komissiyasının və Ermənistan Respublikası ilə Azərbaycan Respublikası arasında dövlət sərhədinin delimitasiyası və sərhəd təhlükəsizliyi məsələləri üzrə Komissiyanın on üçüncü iclası keçirilib.
Baş nazirin müavini Şahin Mustafayevin rəhbərliyi ilə Azərbaycan nümayəndə heyəti Ermənistana səfər edib.
Prezident: “Azərbaycan-Ermənistan nümayəndələrinin səfərləri normal mühitin bərqərar edilməsinə töhfə verir”
