Türkiyə NATO-da lider rolunu gücləndirib.
Primeinfo.az xəbər verir ki, bunu NATO-nun Baş katibi Mark Rutte Ankarada mətbuat konfransında jurnalistlərin suallarını cavablandırarkən deyib.
Rutte Türkiyənin müdafiə sənayesində əldə etdiyi nailiyyətlərə diqqət çəkib. O bildirib ki, Türkiyə son illərdə bu sahədə sürətli inkişaf yolu keçib və hazırda təxminən 3 min şirkət NATO qüvvələrinin ehtiyac duyduğu hərbi texnika və avadanlıqlar istehsal edir.
“Bu gün Türkiyə NATO-nun ən böyük və peşəkar hazırlığa malik silahlı qüvvələrindən birinə sahibdir. Xüsusilə son 5-10 il ərzində ölkə müdafiə sənayesini sürətlə inkişaf etdirib. Türkiyə alyans üçün olduqca mühüm əhəmiyyət daşıyır. Türkiyənin geostrateji mövqeyi, NATO-dakı liderliyi və bu sammitə ev sahibliyi etməsi bunun bariz göstəricisidir”, – o qeyd edib.
