Kiyevdə Azərbaycan və Ukrayna xarici işlər nazirlərinin görüşü başlayıb. Primeinfo.az xəbər verir ki, bu barədə Azərbaycan XİN məlumat yayıb. Məlumata görə, Ceyhun Bayramov və Andriy Sibiha arasında təkbətək görüş keçirilir.
ABŞ Prezidenti Donald Trampın xüsusi nümayəndələri Rusiya-Ukrayna müharibəsinin başa çatdırılması üzrə sülh danışıqlarını bərpa etmək məqsədilə Ukraynaya səfər edəcək. Primeinfo.az “RBK-Ukrayna”ya istinadən xəbər verir ki, bunu Ukrayna xarici işlər naziri Andriy Sibiha bildirib. Onun sözlərinə görə, hazırda ABŞ tərəfdaşlarının iştirakı ilə aparılan sülh danışıqları müvəqqəti dayanıb.
Azərbaycanın xarici işlər naziri Ceyhun Bayramov Kiyevə rəsmi səfəri çərçivəsində ukraynalı həmkarı Andriy Sibiha ilə görüşüb. Primeinfo.az xəbər verir ki, bu barədə Ceyhun Bayramov “X” sosial şəbəkəsində paylaşım edib. Nazir bildirib ki, görüş zamanı Azərbaycan-Ukrayna strateji tərəfdaşlığının daha da gücləndirilməsi, siyasi, iqtisadi, enerji, nəqliyyat və humanitar sahələrdə əməkdaşlığın genişləndirilməsi məsələləri ətrafında məhsuldar müzakirələr aparılıb.
Ukrayna xarici işlər naziri Andriy Sibiha Qara dənizdə hərbi əməliyyatlar zamanı Azərbaycan vətəndaşlarının həlak olması ilə bağlı başsağlığı verib. Primeinfo.az xəbər verir ki, Ukrayna xarici işlər naziri bu barədə Kiyevdə Azərbaycan xarici işlər naziri Ceyhun Bayramovla birgə mətbuat konfransında bildirib. Nazir həlak olanların ailələrinə və yaxınlarına başsağlığı verib, yaralananlara isə şəfa diləyib.
Mayın 6-da xarici işlər naziri Ceyhun Bayramov ukraynalı həmkarı Andrey Sibiqa ilə telefonla danışıb.
