Suriya Kosovonu müstəqil və suveren dövlət kimi rəsmi olaraq tanıdığını elan edib. Primeinfo.az xəbər verir ki, bu barədə ölkənin keçid hökumətinin Xarici İşlər Nazirliyi bəyanat yayıb.”Suriya Ərəb Respublikası Kosovonu müstəqil və suveren dövlət kimi rəsmi olaraq tanıdığını bəyan edir. Dəməşq Kosovo Respublikası ilə diplomatik münasibətlərin tezliklə qurulmasını və ikitərəfli əməkdaşlığın inkişafını səbirsizliklə gözləyir”, – bəyanatda deyilir.
Türkiyə Suriyaya səfir təyin edib. Primeinfo.az xəbər verir ki, bu barədə “Habertürk” məlumat yayıb. Bildirilib ki, bu vəzifəyə Nuh Yılmaz təyinat alıb.
Suriyadan oktyabrın 22-də ikisi qadın, dördü uşaq olmaqla 6 Azərbaycan vətəndaşının ölkəyə repatriasiyası həyata keçirilib.
Bugünədək 500 minə yaxın suriyalı öz ölkəsinə qayıdıb. Primeinfo.az xəbər verir ki, bu barədə Türkiyə Xarici İşlər naziri Hakan Fidan məlumat verib. Türkiyəli nazir həmçinin bildirib ki, yaxın zamanda Türkiyə Amerika və Suriya tərəflərinin görüşü planlaşdırır.
Suriya prezidenti Əhməd əl-Şaraa Rusiyanın paytaxtı Moskva şəhərinə işgüzar səfəri başlayıb. Bu, onun prezident kimi Rusiyaya ilk səfəridir. Primeinfo.az Rusiya mediasına istinadən bildirir ki, səfər çərçivəsində Əhməd əl-Şaraa prezident Vladimir Putinlə görüşəcək.
Moskvada Suriyanın keçmiş prezidenti Bəşər Əsədi zəhərləmək istəyiblər. Primeinfo.az xəbər verir ki, bu barədə Suriya İnsan Haqları Müşahidə Mərkəzi (SOHR) məlumat yayıb. Bildirilib ki, B.Əsədin vəziyyəti hazırda stabildir və xəstəxanadan evə buraxılıb.
2011-ci ildə Dərada baş verən hadisələrlə bağlı ittihamlarla təqsirli bilinən Bəşər Əsəd üçün qiyabi həbs qərarı verilib. Primeinfo.az xəbər verir ki, bu barədə hakim Tofiq Əl-Əli SANA-ya bildirib. Onun sözlərinə görə, devrilmiş rejimə qarşı çıxarılan həbs qərarına qəsdən adam öldürmə, ölümlə nəticələnən işgəncə və digər ittihamlar daxildir: “Məhkəmənin qərarı İnterpol vasitəsilə bütün dünyada “qırmızı bülleten”in verilməsinə və beynəlxalq təhqiqatın aparılmasına yol açır”.
17 sentyabr 2025-ci il tarixində Suriya Ərəb Respublikasının ərazisindəki düşərgələrdə saxlanılan 1-i qadın, 6-sı uşaq olmaqla, 7 nəfər Azərbaycan Respublikası vətəndaşı ölkəmizə gətirilib.
