Avropa diplomatiyasının başçısı Kaya Kallas Ermənistanı Rusiyaya qarşı “sərt sanksiyalara” qoşulmağa çağırıb.
Primeinfo.az xəbər verir ki, o, bu barədə Ermənistanın xarici işlər naziri Ararat Mirzoyanın iştirak etdiyi Aİ-Ermənistan Əməkdaşlıq Şurasının iclasından sonra keçirilən mətbuat konfransında bildirib.
“Dünya nizamı dəyişir və strateji mövqelərin Aİ-nin ümumi xarici siyasəti ilə uyğunlaşdırılması Ermənistan da daxil olmaqla Aİ tərəfdaşları üçün çox vacibdir. Ermənistanın xarici siyasətinin Aİ qərarları ilə uyğunlaşdırılması səviyyəsi hazırda 37%-dir. Rusiyaya qarşı tətbiq etdiyimiz sanksiyalar Aİ üçün sərtdir, lakin biz buna baxmayaraq tərəfdaşlarımızdan da eyni şeyi istəyirik”, – deyə o qeyd edib.
Eyni zamanda o, Ukraynadakı münaqişənin iqtisadi nəticələrinin “Aİ üçün çox böyük olduğunu” etiraf edib
