“Ermənistanın Baş naziri Nikol Paşinyan İrəvandakı Respublika meydanında Türkiyə bayrağının yandırılmasını qınayır“.
Primeinfo.az xəbər verir ki, bunu Baş nazirin sözçüsü Nazeli Baqdasaryan bildirib.
O, Ermənistan liderinin mövqeyini açıqlayıb:
“Baş nazir Paşinyan bayraq yandırma təcrübəsini qınayır, onu məsuliyyətsiz və qəbuledilməz adlandırır. Beynəlxalq səviyyədə tanınmış bir dövlətin, xüsusən də qonşu ölkənin bayrağının yandırılmasını dövlət başçısı fərqli qiymətləndirə bilməz. Bu, açıq-aydın gərginliyə səbəb olan təxribatçı davranışdır”.
Qeyd edək ki, İrəvanda qondarma “erməni soyqırımı”nın ildönümü ilə bağlı keçilən yürüşdə Türkiyənin dövlət bayrağı yandırılıb.
