Ölkə ərazisində davam edən intensiv xarakterli yağıntılar paytaxt və regionların bəzi hissələrində, eləcə də şimal bögəsində yerləşən bir sıra rayonlarda, bəzi kənd və qəsəbələrdə elektrik enerjisinin verilişində qısamüddətli məhdudiyyətlər yaratsa da, “Azərişıq” ASC bütün qabaqlayıcı texniki və təşkilatı tədbirləri həyata keçirir. Bu barədə Primeinfo.az-a “Azərişıq” ASC-dən məlumat verilib. Bildirilib ki, paytaxt və ətraf kənd, qəsəbələrində intensiv yağışların davam etməsi, bir çox ərazilərdə keçilməz gölməçələrin əmələ gəlməsi və yağış sularının qəza yaranan ərazilərdən təmizlənməsi “Azərişıq” ASC əməkdaşlarına əlavə problem yaradır.
Suraxanı rayonunun bəzi ərazilərində elektrik enerjisinin verilişində fasilə yaranıb. Primeinfo.az xəbər verir ki, bununla bağlı “Azərişıq” ASC məlumat yayıb. Bildirilib ki, bu gün Suraxanı Rayon Enerji Təchizatı və Satışı İdarəsi (RETSİ) ərazisində 35/6 kV-luq 360 saylı yarımstansiyada Transformator Məntəqələrində (TM) təmir işləri aparılacaq.
“Azərişıq ASC Cənab Prezident İlham Əliyevin tapşırıqları əsasında ölkə ərazisində istismar müddətini başa vurmuş elektrik şəbəkəsini yenidən qurur, təmir-bərpa işləri aparır. Primeinfo.az xəbər verir ki, görülən işlər Xaçmaz Regional Enerji Təchizatı və Satışı İdarəsini (RETSİ) də əhatə edib. Ötən il Xaçmaz RETSİ ərazisində 14 kəndin elektrik şəbəkəsi tam yenilənib.
Bu gün Maştağa Enerji Təchizatı və Satışı İdarəsi (ETSİ) ərazisində 10 kV-luq 580 N-1 və N-2 elektrik xətlərində əsaslı təmir və yenidənqurma işləri həyata keçiriləcək. Primeinfo.az xəbər verir ki, bu barədə “Azərişıq” ASC məlumat yayıb. Qeyd olunub ki, bununla əlaqədar saat 10:00-dan 14:30-dək Pirşağı bağları yaşayış massivi və Ləhic bağları adlanan ərazidə elektrik enerjisinin verilişində məhdudiyyət yaranacaq.
Maştağa Enerji Təchizatı və Satışı İdarəsinə (ETSİ)daxil olan bəzi ərazilərdə elektrik enerjisinin verilişində fasilə yaranıb. Primeinfo.az xəbər verir ki, bununla bağlı “Azərişıq” ASC məlumat yayıb. Bildirilib ki, bu gün Maştağa ETSİ ərazisində bir sıra elektrik xətlərində təmir işləri həyata keçiriləcək.
