ABŞ ordusu bu gecə İranda bir neçə hədəfə qarşı hərbi əməliyyat həyata keçirib. Baş komandanın göstərişi ilə İran daxilində hədəflərə özünümüdafiə zərbələri endirilib.
ABŞ Silahlı Qüvvələrinin Mərkəzi Komandanlığı (CENTCOM) “Apache” helikopterinin vurulmasına cavab olaraq İrana zərbələrin tamamlandığını elan edib.
ABŞ Mərkəzi Komandanlığı (CENTCOM) ABŞ hərbi gəmisinin vurulması ilə bağlı İran mediasının xəbərini təkzib edib. Primeinfo.az xəbər verir ki, bu barədə CENTCOM-un “X” hesabında bildirilib. Qeyd olunub ki, ABŞ Hərbi Dəniz Qüvvələrinə məxsus heç bir gəmi vurulmayıb və donanma İran limanlarına blokada tətbiq etməyə, eləcə də “Project Freedom” əməliyyatını dəstəkləməyə davam edir.
ABŞ ordusu Yaxın Şərqdə diqqətli və hazır vəziyyətdədir. Primeinfo.az APA-ya istinadən xəbər verir ki, bu barədə ABŞ Mərkəzi Komandanlığı (CENTCOM) məlumat yayıb. CENTCOM ABŞ ordusunun Yaxın Şərqdə istənilən inkişafa operativ reaksiya verməyə hazır olduğunu bəyan edib.
“ABŞ-nin blokadası nəticəsində İranın dəniz yolu ilə ticarəti tamamilə dayanıb”. Primeinfo.az “İnterfax” agentliyinə istinadən xəbər verir ki, bu barədə ABŞ Silahlı Qüvvələrinin Mərkəzi Komandanlığı (CENTCOM) məlumat yayıb. Komandanlıq bildirib ki, İran limanlarına daxil olan və oradan çıxan dəniz nəqliyyatının bloklanması davam edir.
