Bu ilin yanvar-oktyabr aylarında Azərbaycanda neft məhsullarının istehsalı sahəsində istehsalın ümumi dəyəri 4562,7 milyon manat olmaqla, əvvəlki ilin müvafiq dövrü ilə müqayisədə 0,9 faiz artıb. Dövlət Statistika Komitəsindən Primeinfo.az-a verilən məlumata görə, neft məhsullarından mazut istehsalı 2,1 dəfə, neft koksunun istehsalı 10,1 faiz, qazoylların (dizel yanacağının) istehsalı 7,2 faiz, ağ neft istehsalı 4,9 faiz, avtomobil benzininin istehsalı isə 2 faiz artıb. Məlumata görə, hesabat dövründə neft bitumu istehsalı 9,8 faiz, sürtkü yağları istehsalı isə 45,6 faiz azalıb.
2025-ci ilin yanvar-oktyabr aylarında Azərbaycanda 2592.7 kq qızıl, 3218.1 kq isə gümüş istehsal edilib. Primeinfo.az Dövlət Statistika Komitəsinə istinadən xəbər verir ki, ölkədə qızıl istehsalı ötən ilin müvafiq dövrü ilə müqayisədə 19.6%, gümüş istehsalı isə 19% artıb. Qeyd edək ki, 2025-cü il noyabr ayının 1-nə Azərbaycanda qızıl və gümüş üzrə hazır məhsul ehtiyatı müvafiq olaraq 69.7 kq və 699.1 kq təşkil edib.
2025-ci ilin doqquz ayı ərzində Azərbaycanda 77,7 min yeni iş yerləri açılıb. Bu barədə Primeinfo.az-a Dövlət Statistika Komitəsinə istinadən xəbər verir. Qeyd edilib ki, yeni açılmış iş yerlərinin 9,1 faizi yeni yaradılmış müəssisə və təşkilatlarda, 89,8 faizi mövcud müəssisə və təşkilatlarda, 0,4 faizi fəaliyyətini bərpa etmiş müəssisə və təşkilatlarda, 0,7 faizi isə digər tədbirlər üzrə yaradılıb.
2025-ci ilin oktyabr ayında əhalinin sayı 28 758 nəfər və ya 0,3 faiz artıb.
