Azərbaycan millisinin formasını geyinmiş Mərt Çelik futboldan kənarlaşdırılıb. Primeinfo.az xəbər verir ki, bu barədə Türkiyə Futbol Federasiyasının mətbuat xidməti məlumat yayıb. Futbolçunun əzalanmasına səbəb mərc oyunları ilə bağlı fəaliyyəti olub.
Türkiyə Milli Müdafiə Nazirliyi Azərbaycan-Gürcüstan sərhədində qəzaya uğrayan C-130 hərbi yük təyyarəsi ilə bağlı verilən bütün sualları cavablandırıb. Primeinfo.az Modern.az-a istinadən xəbər verir ki, Milli Müdafiə Nazirliyinin açıqlamasında bir sıra suallara aydınlıq gətirilib: – 11 noyabrda Hərbi Hava Qüvvələri Komandanlığının 12-ci Hava Nəqliyyatı Əsas Baza Komandanlığına məxsus, 68-1609 nömrəli C-130E nəqliyyat təyyarəmiz saat 09:02-də Kayseridən Gəncəyə şəxsi heyət və təchizat daşımaq üçün havaya qalxıb. Saat 11:06-da Gəncəyə təhlükəsiz şəkildə eniş edib.
Gürcüstanda qəzaya uğrayan C-130 tipli hərbi yük təyyarəsinə bir ay bundan əvvəl texniki baxış keçirilib Gürcüstan ərazisində qəzaya uğrayan Türkiyə Hərbi Hava Qüvvələrinə məxsus C-130 tipli hərbi yük təyyarəsinə bir ay bundan əvvəl texniki baxış keçirilib. Primeinfo.az “Report”a istinadən xəbər verir ki, bu barədə Türkiyə Milli Müdafiə Nazirliyinin açıqlamasında qeyd olunub. Bildirilib ki, sözügedən təyyarələrin texniki baxışları Türkiyə tərəfindən mütəmadi şəkildə həyata keçirilir: “C-130 tipli təyyarələr hazırda 70-dən çox ölkədə aktiv istifadə olunur.
Azərbaycanın tanınmış jurnalisti, “Euronews” telekanalının müxbiri Türkiyədə yol-nəqliyyat hadisəsi nəticəsində faciəvi şəkildə həyatını itirib. Primeinfo.az xəbər verir ki, bu barədə “Trend”ə jurnalistin yaxınları məlumat verib. Emin İbrahimov Azərbaycan jurnalistikasının ən parlaq nümayəndələrindən biri olub.
Gürcüstanda qəzaya uğrayan Türkiyənin C130 təyyarəsinin qalıqlarının axtarışları başa çatıb. Axtarışlar nəticəsində 20-ci şəhidin də nəşi aşkar olunub.
Türkiyə musiqi sənətinin tanınmış siması Muazzez Abacı 78 yaşında, öz doğum günündə vəfat edib. Primeinfo.az xəbər verir ki, bu barədə “Hürriyet” məlumat yayıb. Bildirilib ki, sənətçi bir neçə gün əvvəl qəfil ürəktutması səbəbindən xəstəxanaya yerləşdirilmişdi.
Türkiyə Prezidenti Rəcəb Tayyib Ərdoğan Milliyyətçi Hərəkat Partiyasının (MHP) sədri Dövlət Bağçalını evində ziyarət edib. Primeinfo.az xəbər verir ki, bu barədə “TRT Haber” məlumat yayıb. Görüş Ankarada, Bağçalının Türkmənbəyi küçəsində yerləşən iqamətgahında baş tutub.
Hindistan KİV-lərində Türkiyənin terror təşkilatlarına dəstək verdiyi barədə yayılan xəbərlər iki ölkə arasındakı münasibətlərə xələl vurmaq məqsədi daşıyır. Primeinfo.az xəbər verir ki, bu barədə Türkiyə Prezident Administrasiyasının İctimaiyyətlə Əlaqələr Departamenti məlumat yayıb. Bildirilib ki, bəzi Hindistan mediasında Türkiyənin Hindistandakı terror aktları ilə əlaqəli olduğu barədə iddialar əsassızdır: “Türkiyə harada və kim tərəfindən törədilməsindən asılı olmayaraq bütün terror aktlarını qətiyyətlə pisləyir və beynəlxalq əməkdaşlıqla terrorla mübarizədə öncül rol oynayır.
Aralıq dənizində 5,4 maqnitudalı zəlzələ baş verib. Primeinfo.az xəbər verir ki, bu barədə Türkiyənin Fəlakət və Fövqəladə Halların İdarə Olunması İdarəsi (AFAD) məlumat yayıb.
Biz əvvəlcə Azərbaycan Prezidenti cənab İlham Əliyevlə, sonra isə Gürcüstanın Baş naziri İrakli Kobaxidze ilə telefonla danışdıq. Millətimizlə bərabər azərbaycanlı qardaşlarımızı və gürcü dostlarımızı da dərindən kədərləndirən bu faciəli hadisəni hərtərəfli araşdırırıq. Gürcüstanın hökumət orqanları bu prosesdə ən yüksək səviyyədə yardım və əməkdaşlığı təmin edir.
