Türkiyədə məşhurlara qarşı aparılan narkotik istintaqı çərçivəsində saxlanılan 23 şübhəlidən 14 nəfəri sərbəst buraxılıb, 9-u barəsində isə həbs qərarı verilib.
Primeinfo.az bu barədə “Haberler.com”a istinadən məlumat verir.
Tanınmış sənətçilər Ayşe Hatun Önal, Beren Saat, Kənan Doğulu, Kərimcan Durmaz, Berdan Mardini, Ozan Doğulu, Yaşar İpek, Enis Arıkan və Selin Ciğerci də daxil olmaqla 14 nəfər məhkəmə nəzarəti şərti ilə sərbəst buraxılıb.
Məhkəmənin qərarı ilə bu məşhurlar həbs ediliblər:
- Tolga Çam
- Murat Saygı
- Enis Ahmet Onat
- Emre Tari
- Həsən Vətən
- Reyhan Küçükyeğen
- Mehmet Yıldız
- Tessi Ramos Korreyra
- Rafet Eren Yorulmazer
Qeyd edək ki, Türkiyədə İstanbul Respublika Baş Prokurorluğunun Qaçaqmalçılıq, Narkotik və İqtisadi Cinayətlər üzrə İstintaq Bürosu tərəfindən “istifadə məqsədilə narkotik və ya psixotrop maddə saxlamaq” və “narkotik istifadəsini asanlaşdırmaq” maddələri ilə istintaq davam edir.
