“Azərbaycan Dəmir Yolları” QSC (ADY) 25 avqustdan Xırdalan–Biləcəri mənzilində aparılan təmir işləri ilə əlaqədar olaraq Bakı–Xırdalan–Bakı və Bakı–Pirşağı–Sumqayıt–Bakı marşrutları üzrə hərəkət edən şəhərətrafı qatarların hərəkət cədvəlində müvəqqəti dəyişiklik edəcək. Bu barədə Primeinfo.az-a ADY-dən məlumat verilib. Yenilənmiş hərəkət cədvəlinə əsasən, şəhərətrafı qatarların ümumi reys sayı 84-dən 90-a artırılacaq.
Rusiyadan Ermənistana Azərbaycandan tranzit keçməklə növbəti tədarük həyata keçiriləcək.
Azərbaycanın dəmir yolu nəqliyyatı sahəsində fəaliyyət göstərən mütəxəssisləri, eləcə də müvafiq dövlət qurumlarının nümayəndələri Almaniyaya işgüzar səfərə dəvət olunublar.
Dəmiryol keçidlərində təhlükəsiz hərəkətin təmin olunması əsas məqsədlərdən biridir. Bu barədə Primeinfo.az-a “Azərbaycan Dəmir Yolları” QSC-dən (ADY) bildirilib. Məlumata görə, 2026-cı ilin yanvar-iyul aylarında dəmiryol keçidlərində 21 təhlükəli hadisə qeydə alınıb.
Rusiyadan Ermənistana Azərbaycandan tranzit keçməklə növbəti tədarük həyata keçiriləcək.
Tovuzda qatarda yanğın olub. Primeinfo.az APA-ya istinadən xəbər verir ki, hadisə Azərbaycanda Gürcüstana gedən yük qatarının bir vaqonunda Tovuz stansiyası ərazisində yanğın qeydə alınıb. İlkin məlumata görə, yanğın 42 vaqondan ibarət yük qatarının 36-ci vaqonunda 70 ton kükürd tozunda tüstülənmə səbəbilə baş verib.
Bu gün Azərbaycandan tranzit keçməklə Ermənistana növbəti tədarük həyata keçiriləcək. Primeinfo.az xəbər verir ki, Azərbaycandan tranzit keçməklə Rusiyadan Ermənistana 26 vaqon buğda göndəriləcək. Tədarük “Azərbaycan Dəmir Yolları” QSC-nin Biləcəri stansiyasından həyata keçiriləcək.
Dəmir yolları ilə xam neft, mazut, dizel yanacağı və kerosin daşıyan çən-vaqonlar növbəti yükünü götürməzdən əvvəl xüsusi təmizləmə prosesindən keçir. “Azərbaycan Dəmir Yolları” QSC-də (ADY) bu prosesin həyata keçirildiyi məkan Biləcəri yuyucu-buxarlayıcı stansiyasıdır. ADY-dən Primeinfo.az-a verilən məlumata görə, 1936-cı ildən fəaliyyət göstərən stansiyada tünd və açıq neft məhsullarının daşınmasında istifadə olunan çən vaqonlar yuyulur və buxarla təmizlənir.
“Azərbaycan Dəmir Yolları” QSC (ADY) artan sərnişin tələbatını qarşılamaq üçün avqustun 19-u və 21-də Bakı–Ağstafa–Bakı marşrutu üzrə əlavə qatar reysləri həyata keçirəcək. Bu barədə Primeinfo.az-a səhmdar cəmiyyətindən bildirilib. Məlumata əsasən, bu istiqamətlərə, eyni zamanda, Bakı–Qazax–Bakı marşrutu üzrə ənənəvi qrafiklə gündəlik səfərlər təşkil olunur.
“Azərbaycan Dəmir Yolları” QSC (ADY) Azərbaycan Beynəlxalq Autizm Mərkəzinin (ABAM) uşaqları və təlimçiləri üçün qatar səfəri təşkil edib. ADY-dən Primeinfo.az-a verilən məlumata görə, mərkəzin uşaqları onları müşayiət edən təlimçilərlə birgə dəmir yolu səyahətini yaxından yaşamaq imkanı əldə ediblər. Uşaqlar qatarla tanış olub, səfər boyunca yeni təəssüratlar qazanıb və fərqli bir gün keçiriblər.
